ਜਦ ਤੈਂਨੂੰ ਅਪਨਾ ਲੈਨਾਂ ਵਾਂ
ਅਪਣਾ ਆਪ ਭੁਲਾ ਲੈਨਾਂ ਵਾਂ !!
ਤਾਲ ਮਿਲੇ ਨਾ ਸਰਗਮ ਭਾਮੇ
ਇਸ਼ਕ ਤਰਾਨਾਂ ਗਾ ਲੈਨਾਂ ਵਾਂ !!
ਛਲਣੀ ਸੀਨਾਂ ਕਿਹੜਾ ਦਰਦੀ
ਆਪੇ ਈ ਦਿਲ ਸਮਝਾ ਲੈਨਾਂ ਵਾਂ !!
ਬੇਸ਼ੱਕ ਤੈਂ ਨੀ ਮਿਲਨਾਂ ਓਥੇ
ਫਿਰ ਵੀ ਫੇਰੀ ਪਾ ਲੈਨਾਂ ਵਾਂ !!
ਸੁਣਦਾ ਕੌਣ ਸੁਣਾਵਾਂ ਕੀਹਨੂੰ
ਸੁਪਨਿਆਂ ਵਿਚ ਬੜਾ ਲੈਨਾਂ ਵਾਂ !!
ਆਉਣਾ ਤੈਂ ਜਾਂ ਨਈਂ ਉਹ ਜਾਣੇ
ਕਲਮਾਂ ਤਾਂ ਗੁਣਗੁਣਾ ਲੈਨਾਂ ਵਾਂ !!
ਓਕਣ ਤੂੰ ਕੋਈ ਪੂਰਾ ਹੀ ਏਂ
ਜਿਸ ਵਿੱਚ ਖ਼ੁਦੀ ਗੁਆ ਲੈਨਾਂ ਵਾਂ !!!
#ਮਹਿਰੋਂ
No comments:
Post a Comment